التوصيله --أغرب قصص رعب! قصه حقيقية عن الجن هاتخليك تتجمد من الرعب ..🥶

 التوصيله

بيقول صاحب القصه دى انا اسمى محمد من السودان.

والقصه دى حصلتلى من 5 سنين

وقتها كنت سايق سياره اجره

وكعادتى كل يوم بطلع اصلى الفجر ف المسجد واطلع على رزقى

لكن ف يوم بعد صلاه العشا جانى اتصال من رقم غريب ورديت

لقيته راجل وسلم عليا بأسمى

وقالى  اسفين على الازعاج يا محمد لكن عندى مشوار ضروري قبل الفجر بساعتين.

سألته معلش بس انا معرفكش

رد عليا بضحكه صغيره وقالى ياعم انت شغال تاكسى واكيد تتوقع اى شخص بياخد رقمك

المهم قالى شوف يا محمد انا ساكن ف الحى اللى بعديك تعلالى قبل الفجر بساعتين

فى قدام البيت المحطه الفلانيه وانا هستناك ومعايا اسرتى الصغيره

علشان عندنا زواج الصبح ف المنطقه الفلانيه

ولازم نطلع بدري علشان نلحق عقد القران

قولتله ماشي ياعم اتفقنا

قفل الخط وانا حسيت نفيى مدايق وقلبى مقبوض لكن مشغلتش بالى بالموضوع

وظبطت المنبه على قبل الفجر بساعتين ونص

وفعلا صحيت على المنبه وجهزت نفسي واتوضيت علشان اصلى الفجر قدام

واتحركت على الموقع اللى وصفهولى الراجل

وفعلا لقيت راجل كبير ف السن ومعاه واحده ست ومعاها طفلين

اعمارهم الصغير حوالى 4 سنين والكبير حوالى 10 سنين تقريبا

رميت عليهم السلام لكن مفيش حد رد السلام

وفتحوا باب العربيه ورموا نفسهم جواها

وانا استغربت وقول عادى يمكن لسه نعسانين وعاوزين يكملوا نومهم ف الطريق

طبعا الراجل ركب معايا قدام.

واتحركت بطريق مزارع ومضلم لانه مختصر.

وانا ماشي ف طريقى حسيت بريحه كبريت غريبه ف السياره.

وطبعا مفيش حد اتكلم غير اللى قالى روح بطريق المزارع دا بس.

بعد محسيت نفسى مدايق من الريحه.

رشيت معطر جو على التكييف.

لكن يارتنى مرشيته.

فجأه كدا الاسره دى بدأت تصرخ وتقول لا لا لا احنا كدا بنتخنق كدا.

قولت احتمال يكون عندهم حساسيه من العطور وعلى طول قفلت المكيف وفتحت القزاز وحسيت انهم ارتاحوا وهديوا.

وطول الطريق وقلبى مقبوض.

واللى يقلق اكتر ان الصمت مسيطر عليهم.

حتى مفيش طفل كح ولاعطس.

المهم ف نص الطريق الضلمه دا فجأه الراجل نطق وقالى.

انزل من الاسفلت يمين.

وانا استغربت لان الحته دى مزارع وفاضيه.

واصلا لو نزلت يمين هفضل الف وسط المزارع.

ف قولتله ياعم انت شكلك لسه نعسان احنا لسه ف نص الطريق بتاع المزارع.

قاللى ايوه انا عارف ودا طريقى انزل يمين يا محمد.

اتصدمت من كلامه وشكيت ان الناس دول عصابه وعاوزين يستدرجونى.

لكنى افتكرت الاطفال و الست اللى معانا واستبعدت الكلام دا.

وقولت لنفسي يمكن يكون ف طريق مختصر وانا معرفهوش.

واتوكلت ونزلت من الاسفلت بحذر.

وانا عصايه الكريك موجوده تحت الكرسي بتاعى وموجوه بايدي.

علشان اكون جاهز لو فيه اي خطر.

وفضلت ماشى وسط المزارع الضلمه بهدوء.

وفجأه لمحت قدامى من بعيد نور.

وحطيت ف بالى ان دا ممكن يكون نور قريه بعيده وانا مكنتش عارفها.

المهم كل ما اققرب يقرب منى النور اكتر.

وفجأه لمحت من بعيد كميه من الناس معاهم اطفال وحريم بيرقصوا وسط الانوار.

وسمعت فجأه صوت ضحك الاسره اللى معايا صوت الضحك بتاعهم مخيف جدا تقولش كلاب بتنبح.

وانا خلاص جسمى برد وعرفت انى وسط عالم تانى.

لكن سبحان الله جاتنى ايه الكرسى ف لسانى.

وابتديت اقراها بدون مشعر بصوت واطى.

وفجأه بدأ الصيخ من الاسره اللى معايا.

دوست الفرامل بقوه وانا بقرا ف الايه.

ومديت ايدى على نور السقف علشان اضعفهم اكتر.

لكن اتصدمت لما لقيت السياره فاضيه.

كأنى جيت الطريق دا كله لوحدى.

وعينى جات على الحفله شوفت منظر مفيش اى بشر يتحمله.

شوفت حيوانات عماله ترقص حوالين ضوء قوى.

كلاب وقطط وحميل بيرقصوا وسط الضوء دا.

وحسيت ان ابواب السياره اتفتحت لوحدها.

وبقيت اقرا لكن سبحان الله فجأه اسمع صوت اذان الفجر ف تلفونى.

قلبى ارتاح شويه واتلفت للحفله الاقيها ضلمه وصمت عجيب ومزارع.

وعلى طول رجعت بسيارتى بالطريق اللى جيت منه علشان ارجع للأسفلت.

لكن مهما ادوس بنزين محصلش الاسفلت.

فضلت ماشى حوالى ساعتين لحد ما ضوء الصباح ابتدى يطلع.

واخيرا وصلت للاسفلت.

مع انى لما نزلت من ع الاسفلت ممشتش غير 5 دقايق بس لحد موصلت للحفله.

نزلت من سيارتى وصليت الفجر وحمدت ربنا انه نجانى من المصيبه اللى كانت هتحصلى دى.

لولا ايه الكرسي واذان الفجر معرفش ايه اللى كان ممكن يحصلى.

ولحد هنا وخلصت قصتنا النهرضى.

متنسوش لو القصه دى او الفيديو دا عجبكم تعملوا لايك وشير ليه ومتنسوش كمان تشتركوا ف القناه وتفعلوا جرس التنبيهات.

واشوفكم ع خير ف حلقه جديده وقصه جديده واقولكم مع السلامه.